संविधान जारी भएको पहिलो वर्ष असोज ३ लाई ‘कालो दिवस’ का रूपमा विरोध गरेका मधेस केन्द्रित दल त्यसपछि फेरिँदै आएका छन्। 

मधेस केन्द्रित दलले संघीय सत्तामा सहभागी हुँदा संविधानका बारेमा मौन बस्ने र सत्ताबाट बाहिरिँदा संविधान जारी भएको दिनलाई‘ कालो दिवस’ का रूपमा मनाउने देखिएको छ। यसपटक सत्ता गठबन्धनमा रहेको जनता समाजवादी पार्टी (जसपा) ले संविधान दिवसमा सहभागी नहुने तर संविधानमा सुधारका लागि अन्तरक्रियात्मक कार्यक्रम गर्ने भएको छ। सत्ताबाहिर रहेको लोकतान्त्रिक समाजवादी पार्टी (लोसपा) ले भने कालो दिन भन्दै विरोध गर्ने भएको छ।  

संविधान जारी भएको दिन २०७२ असोज ३ लाई तत्कालीन समाजवादी पार्टी र राष्ट्रिय जनशक्ति पार्टी दुवैले कालो दिन भन्दै विरोध गरे। संविधानसभाबाट संविधान जारी भएपछि २०७४ सालमा भएको निर्वाचनपछि प्रदेश २ मा संयुक्त सरकार बनाएका तत्कालीन संघीय समाजवादी र राष्ट्रिय जनता पार्टी (राजपा) संविधान दिवसका दिन औपचारिक रूपमा मौन बसे। दुवै दल एकीकरणपछि बनेको जसपाको एकलौटी सरकार पनि संविधान दिवसका दिन मौन बस्यो। 

अहिले जसपा फुटेको छ। जसपाबाट फुटेको पक्षले लोसपा बनाएको छ। जसपा संघीय सरकारको सारथी र प्रदेश २ सरकारको नेतृत्वमा छ। लोसपा प्रदेश र संघीय सरकारबाट बाहिर छ। प्रदेश २ सरकारमा यसपटक नेपाली कांग्रेस र माओवादी केन्द्र पनि सहभागी छन्।  

Author

  • यो वेबसाइट अनलाईन कान्तिपुर डट कमको आधिकारिक न्युज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आयामका समाचार र विश्लेषणलाई समेट्छ।

By

यो वेबसाइट अनलाईन कान्तिपुर डट कमको आधिकारिक न्युज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आयामका समाचार र विश्लेषणलाई समेट्छ।

Leave a Reply

Your email address will not be published. Required fields are marked *