आन्तरिक विवाद निरूपण गर्न गरिएको १० बुँदे सहमति कार्यान्वयनमा संरचनागत उपाय खोज्न थालिएको छ। नेकपा एमालेका उपाध्यक्ष भीम रावलले असार २७ मा भएको १० बुँदे सहमति धेरै ठाउँमा कार्यान्वयन भइसकेको बताउँदै अब संरचनागत उपायको खोजी गरिने बताएका हुन्।  

एमालको सोमबार बसेको स्थायी कमिटी बैठकले १० बुँदे सहमति कार्यान्वयन, एमाले केन्द्रीय सदस्यमा नयाँ मनोनयन र विधान महाधिवेशनका क्रममा आउने समस्या समाधानका लागि भीम रावललाई संयोजक बनाइएको छ। 

उनले अब विषयहरू विस्तारै सबै मिल्दै जाने बताए। सोमबार कार्यदलको बैठकपछि सो कुरा बताएका हुन्। ‘आजको बैठकमा हामीले १० बुँदे सहमति कार्यान्वय र विधान महाधिवेशनबारे छलफल गरेका छौ, त्यसका लागि उपयुक्त विधि र संरचनागत समाधानका उपाय खोजिनेछ,’ उपाध्यक्ष रावलले भने। उनले समस्या देखिएका ठाउँमा समाधान गर्दै जाने पनि बताएका छन्। ’धेरै स्थानमा लागु भएको छ जहाँ समस्या छन्, त्यहीअनुसार नीतिगत व्यवस्था मिलाएर समाधान खोज्छाैँ,’ उनले भने। 

सुदूरपश्चिम प्रदेशमा १० बुँदे सहमति कार्यान्वयनमा समस्या देखिएपछि भीम रावलले असन्तुष्टि जनाएपछि स्थायी कमिटी बैठकले समस्या समाधान गर्ने जिम्मेवारी उनलाई नै दिएको थियो। 

Author

  • यो वेबसाइट अनलाईन कान्तिपुर डट कमको आधिकारिक न्युज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आयामका समाचार र विश्लेषणलाई समेट्छ।

By

यो वेबसाइट अनलाईन कान्तिपुर डट कमको आधिकारिक न्युज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आयामका समाचार र विश्लेषणलाई समेट्छ।

Leave a Reply

Your email address will not be published. Required fields are marked *