११ मंसिर २०७८, शनिबार
नेकपा (एमाले)को १०औं राष्ट्रिय महाधिवेशनको बन्दसत्र अझै सुरु भएको छैन । सौराहको होटेल सेभेन स्टारमा बिहानैदेखि सुरु गर्ने भनिए पनि अहिलेसम्म बन्दसत्र सुरु भएको छैन ।

राति अवेरसम्म बसेको र नेताहरू आन्तरिक छलफलमा भएकोले समयमै बन्दसत्र सुरु हुन नसकेको एमाले नेताहरूले बताएका छन् ।

सर्वसम्मत नेतृत्व चयन गर्ने विषयमा छलफल गर्न अध्यक्ष केपी शर्मा ओली निकट नेताहरू छलफलमा जुटेका छन् भने अध्यक्षमा उम्मेदवारी दिने घोषणा गरेका उपाध्यक्ष भीम रावल पनि छुट्टै परामर्श गरिरहेका छन् ।

नेताहरू छलफलमा जुटेकोले अहिले बन्दसत्रस्थलमा प्रतिनिधिहरू छरिए र रहेका छन् । कोही फोटो सेसनमा बेस्त भएका छन् ।
बन्दसत्र सुरु भएपछि आजै नयाँ नेतृत्व चयनको प्रकृया सुरु हुनेछ । यसपटक एमालेमा सर्वसम्मत नेतृत्व चयनको प्रयासमा गरिएको छ । त्यसैका लागि पदाधिकारी संख्या थप गरेको छ ।

साथै विधान महाधिवेशनमार्फत खारेज गरिएको पोलिटब्युरो फर्काइएको छ भने केन्द्रीय कमिटीको आकार बढाएर ३०१ सदस्यीय बनाइएको छ ।

अब एमालेमा १९ पदाधिकारी रहनेछ । जसमा अध्यक्ष, वरिष्ठ उपाध्यक्ष, ६ उपाध्यक्ष, महासचिव, ३ उपमहासचिव र ७ सचिव छन् । ४५ सदस्यीय स्थायी कमिटी, ९९ सदस्यीय पोलिटब्यूरो र ३०१ सदस्यीय केन्द्रीय कमिटी हुनेछ ।

पदाधिकारी थप गरिए पनि सहमतिका लागि सकस देखिएको छ ।

Author

  • यो वेबसाइट अनलाईन कान्तिपुर डट कमको आधिकारिक न्युज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आयामका समाचार र विश्लेषणलाई समेट्छ।

By

यो वेबसाइट अनलाईन कान्तिपुर डट कमको आधिकारिक न्युज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आयामका समाचार र विश्लेषणलाई समेट्छ।

Leave a Reply

Your email address will not be published. Required fields are marked *