२२ मंसिर २०७८
भक्तपुरको बालकोटमा एक युवकको हत्या गरेको अवस्थामा शव फेला परेको छ। सूर्यविनायक नगरपालिका–३ बालकोट बस्ने राजु भन्ने २३ वर्षीय राजन श्रेष्ठको शव सूर्यविनायक–२, बसीटोलस्थित बंगलामुखी सहकारी चोक नजिक हनुमन्ते खोला किनारको खेतमा फेला परेको हो।

मृतकको टाउकोमा गम्भिर चोट लागेको छ। निधारमा गहिरो चोट लाग्ने गरी कुनै रड जस्तो वस्तुले हिर्काएको जस्तो देखिएको महानगरिय प्रहरी वृत्त थिमिका प्रमुख प्रहरी नायव उपरीक्षक नरहरी रेग्मीले बताए।

शव मंगलवार राती करिब १० बजे फेला परेको हो। मृतकको नीजि सवारी मध्यपुर थिमि–३ गठ्ठाघरमा फेला परेको प्रनाउ रेग्मीले जानकारी दिए।

मृतकको शव मध्यपुर अस्पतालमा लगिएको छ। घटनामा संलग्न भएको आशंकामा केहीलाई सोधपुछको दायरामा लिईएको प्रहरी स्रोतले बताएको छ। घटनाको थप अनुसन्धान भइरहेको प्रहरीले जनाएको छ।

Author

  • यो वेबसाइट अनलाईन कान्तिपुर डट कमको आधिकारिक न्युज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आयामका समाचार र विश्लेषणलाई समेट्छ।

By

यो वेबसाइट अनलाईन कान्तिपुर डट कमको आधिकारिक न्युज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आयामका समाचार र विश्लेषणलाई समेट्छ।

Leave a Reply

Your email address will not be published. Required fields are marked *