२०७८ फाल्गुन २९,
भारतको ओडिसा राज्यमा एक सांसदले भिडमा गाडी कुदाउँदा सात प्रहरीसहित २२ जना घाइते भएका छन् । घाइते एक जनाको अवस्था गम्भीर रहेको बीबीसी हिन्दीले जनाएको छ ।

ओडिसाको सत्तारूढ पार्टी बिजु जनता दलका सांसद प्रशान्त जगदेवले वाणपुरमा वाणपुर ब्लकको अध्यक्ष चयन गर्न चुनावका लागि जम्मा भएका मानिसमाथि गाडी चलाएका हुन् । त्यहाँ उपस्थित प्रहरीले गाडी रोक्न भने पनि उनले जबर्जस्ती गाडी भिडमा चलाएका खबरमा उल्लेख गरिएको छ ।

घाइते हुनेमा सात प्रहरी, दुई पत्रकारसहित २२ जना छन् । घटनापछि आक्रोसित भएका स्थानीय बासिन्दाले सांसद जगदेवलाई कुटपिट गरेका छन् । स्थानीय बासिन्दाको कुटपिटबाट घाइते भएका उनलाई भुवनेश्वरमा रहेको एक निजी अस्पतालमा उपचारका लागि भर्ना गरिएको स्थानीय प्रहरीले जनाएको छ ।

प्रहरीकाअनुसार उनी विरुद्ध हत्याको प्रयास गरेको लगायतका मुद्दा चलाइने छ ।

Author

  • यो वेबसाइट अनलाईन कान्तिपुर डट कमको आधिकारिक न्युज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आयामका समाचार र विश्लेषणलाई समेट्छ।

By

यो वेबसाइट अनलाईन कान्तिपुर डट कमको आधिकारिक न्युज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आयामका समाचार र विश्लेषणलाई समेट्छ।

Leave a Reply

Your email address will not be published. Required fields are marked *