पश्चिम भारतकी रमाबाई रणवीरले दौडका लागि कुनै तालिम लिएकी थिइनन्, उनीसँग दौडने जुत्तासमेत थिएन।
पहिलो पटक दौडमा भाग लिएकी उनी खाली खुट्टै दौडेर पहिलो भइन्।
आफ्ना श्रीमान् गुमाएकी ४७ वर्षीय रमाबाई सामुदायिक स्तरमा अगस्टमा आयोजना गरिएको ३ किलोमिटरको दौडमा भाग लिनुको एउटै लक्ष्य थियो– पुरस्कार जितेर आफ्ना दुई जना छोरीको पढाइ खर्च जुटाउनु।
अरूभन्दा चाँडो दौड पूरा गर्दा उनी निकै खुसी भइन्। यससँगै उनले ३,००० भारतीय रुपैयाँ अर्थात् ४,८०० नेपाली रुपैयाँ बराबर पुरस्कार जितेकी थिइन्। जसले उनलाई छोरीहरूका लागि किताब र पठन सामग्री किन्न थोरै भए पनि सहयोग पुग्थ्यो।
